Маж од село во близина на Загреб бил уапсен откако водел гола жена низ селото сакајќи да ја прикаже како прељубничка, а потоа се обидел да го убеди истражниот судија дека всушност е добар човек.
Истражен судија на овој насилник му изрече мерка притвор за да го спречи да го повтори делото.
Како што јави загрепската телевизија N1, мажот бил многу насилен кон сопругата и ја нарекувал со навредливи зборови. Истиот е приведен за семејно насилство, закани и нанесување телесни повреди.
Обвинителството побара да му се одреди мерка притвор за да не влијае врз сведоците, пред се неговата жртва, како и да се спречи да го повтори делото. Судијата го оцени барањето на Обвинителството оправдано и осомничениот е спроведен во затворот Ремитенец.