Временските проблеми придружени со невреме и северен ветер вчера околу 15.30 часот го погодија островот Крф. Противпожарната служба и крајбрежната стража се мобилизираa откако група од 10 туристи останаа заглавени на плажата Порто Тимони среде невреме, објави грчкиот весник „Катимерини“.
Туристите биле спасени со приватен брод, кој успеал да стигне до нив и тие се префрлени на плажата Агиос Георгиос Пагон.
Претходно жителите телефонски беа предупредени за силно невреме, а пораката беше испратена и до жителите на Јони, Етолоакарнанија и Епир.