Силен земјотрес со јачина од 5,2 степени според Рихтеровата скала денес го погоди грчкиот полуостров Света Гора, објави Европско-медитеранскиот сеизмолошки институт.
Како што може да се види од мапата на погодената област, земјотресот го погодил западниот брег на Света Гора, недалеку од манастирите Дохијар и Констамонит, околу 10-15 километри јужно од српскиот манастир Хиландар.
Епицентарот на земјотресот бил на длабочина од пет километри.
Грчките медиуми објавија дека земјотресот имал јачина од 5,3 степени, а дека бил почувствуван и во Солун.
Засега нема извештаи за евентуални повредени или материјална штета.
Веднаш по овој земјотрес, ова подрачје беше погодено од уште три послаби земјотреси, од кои најсилниот бил 4,1.