Германскиот канцелар Олаф Шолц денеска изјави дека преговорите во Брисел со претседателот на Србија, Александар Вучиќ и со премиерот на Косово, Албин Курти, не пропаднале бидејќи, како што нагласи, и двајцата изразиле подготвеност за спроведување на постигнатите договори и да се формира Заедница на српски општини.
„Сега имаме изјава од Курти и Вучиќ дека ќе ги спроведат мерките од документите што ги подготвивме, Основниот договор, Охридскиот договор и сега концептот на конкретен нацрт за формирање на ЗСО. Тоа е јасно кажано и тоа е важен чекор“, изјави Шолц за новинарите во Брисел по завршувањето на самитот на ЕУ.