Американскиот шеф на дипломатијата Антони Блинкен на Твитер го спореди претседателот на Република Српска и лидер на босанските Срби Милорад Додик со рускиот претседател Владимир Путин. Блинкен му порача на Додик дека го започнал истиот пат на авторитарно владеење на кој Путин е одамна.
Шефот на американската дипломатија твитна директна порака до Додик откако, по негова наредба, Република Српска минатата недела одлучи сите владини претставници на босанските Срби да го прекинат контактот со американската и британската амбасада во Босна и Херцеговина. Додик тврди дека амбасадите се мешаат во внатрешните работи на земјата.
Milorad Dodik’s attacks on basic rights and freedoms in Republika Srpska show he is on President Putin’s authoritarian path. @StateDept, represented by Amb. Murphy, continues to advocate for the democratic and prosperous future that all citizens of Bosnia and Herzegovina deserve.
— Secretary Antony Blinken (@SecBlinken) March 29, 2023
Исто така, минатата недела тој ги нарече Британците „негативци“ поради најавата за испраќање оружје со осиромашен ураниум во Украина.
Потоа Додик понуди дополнително толкување дека одлуката се однесува само на амбасадори акредитирани во Босна и Херцеговина, но не и на САД и Велика Британија. Претседателот на Република Српска тврди дека е заинтересиран за продолжување на соработката со овие земји.
Блинкен му одговори на Додик со порака дека Мајкл Марфи, американскиот амбасадор во Босна и Херцеговина, е личноста која ја спроведува политиката на Вашингтон и делува во интерес на просперитетната и демократска иднина на сите луѓе во Босна и Херцеговина. Тој го обвини Додик дека е одговорен за загрозување на основните права и слободи на граѓаните.