Телата на момчето и девојчето, кои вчера исчезнаа во атар на селото Ресинац близу Прокупље (Србија), се извлечени од мало езеро откако нивото на водата е намалено со испумпување.
Момчето и девојчето исчезнаа вчера во дупките кои се создадени со ископување на земјата за фабрика за тули, а кои беа исполнети од последните обилни дождови. Тие езера последниве денови се место каде се освежуваа и капеа и младите и старите од околните села.
На тоа градилиште немало постојано обезбедување или чувари, но цело време имало работници од фабрика за тули, кои не успеале да влијаат на капачите и излетниците. Засега се знае дека девојчето скокнало во водата за да го спаси својот брат, но и двајцата се удавија.