Во превртувањето на автобусот на автопатот Загреб-Сплит изутринава околу 4 часот погинаа осум државјани на Чешка, а меѓу нив и едно 6-годишно дете.
Јиндра Мала, конзул на Република Чешка во Ријека за време на туристиката сезона, за хрватските месиуми рече дека телата на погинатите се префрлени на патологија во Карловац. Според неа, меѓу погинатите е и еден од возачите, но уште не се знае дали тој што го управувал автобусот или тој што спиел.
Сите Чеси се од околината на Брно, а патуваа на летовање во околината на Башка Вода каде што требаше да останат десет дена.
Чешките портали пренесуваат дека најверојатно возачот заспал и со тоа ја предизвикал страотната несреќа. Во автобусот имало 50 патници.
