Денеска во Прага загинаа 15 лица, а најмалку 24 се повредени, соопшти шефот на чешката на полицијата Мартин Вондрашек на вонредна конференција.
– Полицијата од утрото трага по 24-годишен маж, кој рекол дека сака да си го одземе животот. Во 12:45 часот добивме информација дека е пронајден мртов маж. Набрзо дознавме дека тој е татко на осомничениот кој денеска го изврши ова дело на Филозофскиот факултет. Дознавме дека тој е студент на Филозофскиот факултет и дека денеска во 14 часот треба да биде на предавање во зградата на улицата Челетна. Ја евакуиравме зградата која ја завршивме во 14 часот и 22 минути и ја продолживме потрагата. Во 14 часот и 29 минути стигнаа првите информации за пукањето на плоштадот Палач. Екипата на итната помош била на лице место за 12 минути, а во 15:20 часот добивме информација дека телото на напаѓачот е пронајдено на тротоар – рече тој.