Според последните информации, во Србија во последните 24 часа се потврдени 332 новозаразени со коронавирусот, од вкупно 9.709 тестови.
Во изминатото деноноќие нема починати пациенти.
Во земјата во моментов се хоспитализирани 357 пациенти, од кои 11 се на респиратор.
Вкупно 7.108 луѓе досега починаа од Ковид-19 во Србија, а заразени се над 720.000.
Епидемиологот и членот на Кризниот штаб, Предраг Кон, денеска изјави дека според законот, постои можност да се наложи задолжителна вакцинација на возрасните луѓе во земјата.
Сепак, тој додаде дека лично не се залага за задолжителна вакцинација, како и дека мисли оти тоа не е потребно во моментов.
„Но, сум за задолжителна вакцинација на оние кои тоа мораат да го направат од морални причини, поради професијата што ја работат“, рече Кон, спомнувајќи ги здравствените работници.