Бројот на барања за азил во земјите на ЕУ и Шенген зоната од страна на граѓани од Косово бележи значително намалување во текот на 2018, што се смета како фаворизирачки аргумент за земјата во барањето за визна либерализација.
Вкупната бројка на баратели на азил од Косово во првите шест месеци од годинава изнесува 2.865, што е значително опаѓање во однос на истиот период од 2017 година, пишува весникот „Зери“, пренесувајќи ги податоците на Еуростат, според кои Косово не е ниту меѓу првите триесет земји од кои што доаѓаат барателите на азил во Европа.
Министерката за европски интеграции Дурата Хоџа за весникот изјави дека овие статистики се многу значајни и би требало да ја олеснат одлуката на членките на ЕУ за визна либерализација за Косово.