Утрово на патот во селото Враничи кај Чачак се случи сообраќајна несреќа кога возач со патнички автомобил излетал од патот и паднал во канал.
„Несреќата се случи кај мостот кај селото. Тука секогаш има голем мраз, а возачот најверојатно тоа не го знаел и се излизгал. Мразот му го занел автомобилот и излета од патот. Некои луѓе се обидоа да му помогнат, но баш падна длабоко“, велат очевидци за српските медиуми.
Во несреќата нема повредени лица, а возачот успеал да излезе од автомобилот со кој излетал од патот. Надлежните во Србија апелираат возачите да бидат дополнително внимателни, затоа што во утринските часови има мраз по улиците.