Месец јули бележи рекордна бројка на косовски туристи на албанското крајбрежје, јави дописникот на МИА од Тирана.
Според статистиката, во текот на овој месец во Албанија влегле над 450 илјади косовски државјани.
– Статистиката за месец јули говори за рекордни бројки на косовски граѓани кои одлучиле летниот омор да го минат на албанското крајбрежје. Споредено со истиот месец лани, бројот на косовските туристи е поголем за 150 илјади. Лани имало 300 илјади додека овој јули над 450 илјади. Во просек дневно во Албанија влегувале по околу 15 илјади косовски граѓани,-пренесува весникот „Газета експрес“.
Во претпоследниот викенд преку преминот Врмица-Морина, минале 20 илјади, а последниот викенд 30 илјади косовски државјани,кои немаат некои поголеми забелешки околу чекањето на граница и покрај големиот број патници и возила. Зголемена фрекфенција се очекува и во текот на овој месец.