Србија застана на вистинската страна на историјата и заедно со над 143 земји минатата недела во ОН гласаше за резолуцијата за осуда на Русија во нејзиниот обид за незаконска анексија на територии во Украина, изјави денеска Карин Донфрид, заменик државна секретарка за Европа и Евроазија.
На прашање од МИА како САД ја оценуваат одлуката на Србија да не ги прифаќа санкциите на ЕУ кон Русија, таа го охрабри Белград да ги прифати санкциите и го пофали што гласаше за резолуцијата на ОН за осуда на акциите на Русија во Украина.
-Сепак, треба да истакнеме дека Србија зазеде важен став во гласањата на ОН за војната на Русија против Украина. Во март таа ја осуди руската инвазијата. Исто така, минатата недела, Србија стоеше на вистинската страна на исторјата и ја осуди незаконската анексија на Русија во Украина, истакна Донфрид на брифинг за новинарите.
Со ова, додаде таа, Србија застанаа во обрана на принципите на територијалниот интегритет и во одбрана на Повелбата на ОН.
Администрацијата на Бајден го поддржува дијалогот меѓу Србија и Косово со посредништво на ЕУ, и тоа е една од задачите на нашиот специјален претставник (за Западен Балкан, Габриел Ескобар), кој е во посета на регионот неделава, рече Донфрид.
Извор: МИА