Русија ги осуди заканите кои што пристигнуваат во Сирија од ЕУ и наведе дека опозицијата ја блокира истрагата за наводниот хемиски напад.
-Повиците кои што пристигнуваат од Европа, за да се примени сила во Сирија се недозволиви-соопштија од Кремљ, од каде што претходно повикаа сирискиот режим да соработува со ОН.
Новинските агенции изминатите денови објавија десетина фотографии на кои што се гледаат убиени лица. Но, според руското Министерство за надворешни работи станува збор за монтиран материјал, кој што е подготвен пред 21 август, кога наводно дошло до напад.
Францускиот шеф на дипломатијата, Лоран Фабијас вчера изјави дека меѓународната заедница мора да реагира со сила доколку се потврди дека во Сирија е користено хемиско оружје.
Елена Георгиевска