Уште две тела се пронајдени во урнатините на зградата што се урна вчера во турскиот град Гебзе, во покраината Коџаели, со што бројот на жртви се искачи на четири.
Спасувачките екипи претходно ги пронајдоа телата на две деца, а нивната 18-годишна сестра беше извлечена жива од урнатините.
Седумкатната зграда се урна околу 7:30 часот наутро по локално време во среда од сè уште непознати причини, соопштија локалните власти.
На првиот ден од операцијата за пребарување и спасување, пронајдени се телата на 12-годишниот Мухамет Емир и неговата 14-годишна сестра Хајруниса, додека 18-годишната Дилара Билир беше извлечена жива од урнатините. Деветнаесет часа по почетокот на операцијата за пребарување и спасување, пронајдени се телата на таткото Левент Билир и мајката Емине Билир.
