Во Црна Гора се потврдени рекордни 496 нови случаи на коронавирус, што е најмногу за 24 часа од почетокот на пандемијата а починале седум лица.
Во изминатото деноноќие се излекувале 240 пациенти, соопшти Институтот за јавно здравје во Подгорица.
Помошник директорот на установата, Сенад Бегиќ, изјави дека случувањата на терен апсолутно не одат во прилог на епидемиолошката ситуација и дека се очекува бројот на заболени од коронавирус во следните недели да биде уште поголем.
Тој на конференција за новинари во Подгорица рекол дека во текот на последните 24 часа, врз основа на 1.299 тестирани примероци, регистрирани се 496 нови случаи, а дека во текот на вечерта и утрото ќе бидат обработени уште 500 примероци од приватните лаборатории, пренесе порталот „Вијести“.
Бегиќ најавил и заострување на мерките за сузбивање на епидемијата.