Снежана Стевиќ од Србија е приведена под сомнение за вршење стоматолошки услуги и анти-ејџ третмани во својата ординација, во која работи со лажна диплома.
Оваа лажна заболекарка и надрилекарка користела фалсификувана диплома која ја заверила кај нотар, а потоа ја поднела копијата во Стоматолошката комора на Србија.
Според директорот на Стоматолошката комора, д-р Милојко Јовановиќ, тие немаат ингеренции да ја проверуваат веродостојноста на дипломите ако претходно немаат налог за тоа. Дополнително, фактот што е заверена не остава простор за сомнеж.
Лажната диплома потекнува од Универзитетот во Приштина, а врз основа на тоа осомничената полагала стручен државен испит. Потоа, во својата ординација вршела надрилекарски, стоматолошки и естетски интервенции, на што од Стоматолошката комора велат дека за анти-ејџ третмани е потребна дополнителна обука со претходно одреден фонд на часови. Со ова, таа измамила и „прескокнала“ најмалку четири институции – пат кој е потребно да се помине од моментот на земање диплома па се до нудење лекарски услуги.
На Снежана ѝ е определен притвор. Таа признала дека извршува естетски третмани, но негира дека дипломата е лажна.