Генералниот секртетар на НАТО Андерс фог Расмунсен разговараше денеска во Љубљана со словенечкиот премиер Јанез Јанша за низа теми кои се однесуваат на Алијансата меѓу кои и проширувањето кон држави од Западен Балкан.
Јанша нагласи дека од посебен интерес на Словенија е проширување на Алијансата на држави од Западен Балкан под услов да се исполнат потребните критериуми.
– Сметаме дека членството на тие држави во НАТО би претставувало еден од главните придонеси за безбедноста и стабилноста во регионот и еден од условите за економски напредок на целиот регион, изјави шефот на словенечката Влада.
– Присуството на НАТО на подрачјето на Западен Балкан е исклучително важна гаранција за стабилноста, додаде Јанша оценувајќи дека соработката на НАТО со државите од регионот е позитивна.