Иако неговата посета на Белград ја обезбедуваа 5.000 полицајци, албанскиот премиер Еди Рама на 10. ноември во главниот град на Србија носел панцир.
Во Белград на 16. декември ќе се одржува самитот на Кина и шефовите на 16 држави на централна и источна Европа, а еден од учесниците ќе биде и Еди Рама, кој според извори на српски Курир повторно имал намера да носи заштитен елек.
Рама наведува Курир, се одлучил на овој чекор поради паничен страв за својата сигурност.
-Рама стави панцир, иако беше упатен кои мерки на безбедност ќе бидат преземени. Неговата претходница, од амбасадата преку службата за безбедност го испитаа теренот и ја подготвија посетата, Сепак, тој се одлучи да премине преку сето тоа. Сите бевме изненадени кога видовме дека носи панцир, изјави изворот на Курир.