Милан Радоичиќ се одзва на поканата на државните органи на Република Србија и денеска во 10 часот во придружба на својот адвокат дојде во просториите на Министерството за внатрешни работи, со цел како граѓанин да даде изјава за околностите на трагичниот настан во Бањска, рано наутро во неделата, на 24 септември 2023 година, се наведува во официјалното соопштение на српското МВР.
„За наведеното ќе биде известено Вишото јавно обвинителство во Белград во форма на записник, кое ќе преземе натамошни процесни мерки и дејствија од негова надлежност“ се наведува во полициското соопштение.