Мировните сили на ЕУ во Босна (ЕУФОР) и локалната армија и полиција учествуваат во прва заедничка вежба во Босна, поддржана од НАТО.
Вежбата, наречена „Брз одговор 2017“ вклучува сценарио на евакуација на повредени со воен хеликоптер при полициска рација против терористи, кои држат заложници на аеродромот во Сараево, пружање помош на населението при големи поплави, протести и друго.
– Ова беше реална вежба и можност да демонстрираме дека имаме способност, сила и решителност да одговориме брзо и ефикасно на секоја безбедносна закана, изјави босанскиот министер за одбрана Драган Мектиќ.
Петдневната вежба, во која учествуваат 600 членови на ЕУФОР и 400 британски и НАТО војници, вклучува и надгледување големи региони во Босна.