Продолжува вакцинацијата во Грција

Од:

Вакцинацијата на медицинскиот персонал во пет атински болници продолжува и денеска, а претпладнево вакцината ќе ја примат и лидерот на СИРИЗА Алексис Ципрас, министерот за здравство Василис Кикиљас, како и генералниот секретар во Министерството за здравство Мариос Темистокелус.

Паралелно, вакцините денеска ќе бидат дистрибуирани и во болниците во грчките градови Солун, Лариса, Патра и Јанина за од утре да започне вакцинацијата на здравствените работници.

„Операцијата Слобода“, односно вакцинацијата во Грција започна вчера, а први ја примија вакцината медицинска сестра и повозрасен граѓанин згрижен во дом за стари лица.

По нив следеа претседателката на Грција Катерина Сакеларопулу, грчкиот премиер Кирјакос Мицотакис, шефот на Комисијата на епидемиолози Сотирис Циодрас, претседателот на Парламентот Константинос Тасулас, генералниот секретар на партијата МЕРА25 Јанис Варуфакис, претседателката на Националната комисија за вакцинација Мариа Теодориду, началникот на Генералштабот на грчката армија Константинос Флорос и митрополитот Јеротеос, како претставник на поглаварот на ГПЦ.

Засега, нема информации дека кај никој од вакцинираните во Грција во текот на вчерашниот ден се појавиле некакви реакции од вакцината.

Би можело да ве интересира

Грција ги укинува речиси сите рестриктивни мерки за Ковид-19

Германец примил 87 вакцини против ковид

Продолжено времетраењето на сертификатите во внатрешноста на Грција

Во Грција од денеска маските не се задолжителни на отворено

Вакцинираните пред седум месеци, без бустер доза од денеска во Грција немаат сертификат

Катерина Павлова-Николовска

Војската на САД работи на моќна супер-вакцина против коронавирус