Пожарот што избувна во затворот „Билице“ е изгаснат од страна на затворскиот персонал, а пожарникарите ги евакуираа затворениците, од кои неколку побараа медицинска помош поради вдишување чад и беа пренесени во Сплитската болница, соопшти Центарот за противпожарни операции во Сплит.
„Добивме пријава за пожар во една од ќелиите на затворот Билице околу 21.30 часот и по пристигнувањето на шест пожарникари со возило, затворскиот персонал веќе го изгасна поголемиот дел од пожарот, а пожарникарите веднаш ги евакуираа затворениците“, изјавија од Противпожарниот центар за Хина.
Десет лица побарале медицинска помош. Седум од нив се задржани во болница на понатамошно лекување, додека три лица се вратени во затворот по добиената помош, соопшти полицијата.
Местото на настанот е обезбедено веднаш по избувнувањето на пожарот, а денес ќе се спроведе истрага на лице место за да се утврдат околностите и причината за пожарот.