Снежна лавина зафати четворица алпинисти на највисокиот врв Камешнице, на планина помеѓу границите на Хрватска и Босна и Херцеговина.
Тројца од нив се надвор од животна опасност, а потрагата за четвртиот алпинист се уште трае.
Хрватската горска служба за спасување ХГСС, соопшти дека вечерва и покрај невремето, 60 припадници на службата заедно со колегите од Ливна и понатаму го бараат алпинистот што исчезна.
На пат се и спасители од Огулина, а утре се очекува да пристигнат уште помош.
Тројцата повредени алпинисти со хеликоптер на Хрватското воено воздухопловство се пренесени во болниците во Сплит и Ливна, но не се во животна опасност.
ХГСС дојавата за несреќата ја примиле околу 14 часот, од еден од алпинистите зафатени во лавината.
Хрватските медиуми наведуваат дека станува збор за лавина која е долга околу 500 метри, и која се покренала на надморска височина од околу 1.500 метри.