Сите морски и речни пристаништа во романскиот округ Констанца се затворени поради силниот ветер, а брод со 500 патници е пренасочен кон бугарското пристаниште Несебар.
Романските власти соопштија дека пристаништата се затворени откако ветрот на брегот достигнал брзина од 60 до 70 километри на час, а на отворено море повеќе од 80 километри на час.
Бродот „Силвер спирит“, кој плови под бахамско знаме, од Одеса требало да се укотви во Констанца, но е пренасочен кон Несебар, откако капетанот оценил дека тоа би било опасно за патниците и екипажот.