Половина од младите на возраст од 15 до 24 години во Србија се без работа, покажува најновото истражување на пазарот на трудот и положбата на младите луѓе.
Истражувањето спроведено во Белград, Нови Сад и Ниш во март и април, покажува дека процентот на млади невработени лица во Србија е еден од најголемите во Европа.
Директорот на националната агенција за вработување Дејан Јовановиќ изјави дека во агенцијата се регистрирани 206.000 невработени на возраст до 30 години, кои чекаат за работа во просек по 1,8 години. Он нив околу 40.000 се без квалификации и немаат завршено средно образование, а некои немаат ниту основно образование.
Според Јовановиќ, за да се намали невработеноста меѓу младите, треба да се обезбеди економски раст и да се создаде клима за привлекување на инвестиции.