Припадници на МВР, Сектор за внатрешна контрола, во соработка со Службата за борба против организиран криминал и полициски службеници на Сремска Митровица, по наредба на Обвинителството за организиран криминал, уапсија шест членови на организирана криминална група поради постоење основи на сомнение дека сториле кривични дела недозволено изработување, држење, носење и тргување со оружје и распрскувачки материи и здружување заради извршување на кривични дела.
Полицијата ги пронашла осомничените на стрелиште во Нови Сланкамен каде без одобрение на МВР употребилe опрема и службено оружје, автоматски пушки, пиштоли и муниција во сопственост на Министерството.
Осомничени се дека М.Т и М.Л од службените простории на полицијата без дозвола ја извадиле опремата и оружјето и им дозволиле на други осомничени да ги користат.
На осомничените им е одредена мерка притвор до 48 часа, а со кривична пријава ќе бидат изведени во надлежното обвинителство.