Почна преместувањето на мигрантите и беглаците од Вучјак

Од:

Денеска почна преместувањето на групата мигранти и бегалци од прифатниот центар Вучјак кај Бихаќ, по што кампот би требало во целост да биде затворен, јави Ал Џезира Балканс.

Мигрантите и бегалците кои престојуваат во кампот Вучјак привремено ќе бидат преместени во центарот Ушивак додека не се адаптира касарната Блажуј кај Сараево, каде би требало сите да бидат преместени.

Според податоци на Црвениот Крст во Бихаќ, повеќе од 600 лица се сместени во кампот од отворен тип Вучјак, во кој мигрантите секојдневно доаѓаат и си заминуваат од него.

Комесарката за човекови права на Советот на Европа Дуња Мијатовиќ претходно ги повика властите на Босна и Херцеговина под итно да ги преместат мигрантите од капот за да се избегне хуманитарна криза, а сличен апел претходно упатија и од Делегацијата на Европската унија во БиХ и Канцеларијата на специјалниот претставник на ЕУ во БиХ.

Мигрантите и бегалците во Вучјак престојуваа под најлонски шатори, без вода за пиење и струја, и им се закануваше опасност од зараза и смрзнување.

Би можело да ве интересира

Во Сараево прогласена „тревога“ заради загадувањето на воздухот

Ана Ололовска

Брачен пар загина, нивната внука е тешко повредена во сообраќајна несреќа во БиХ

Ограбена банка во Сараево, крадецот уапсен

(ВИДЕО) Додик ги изгуби нервите: Коњу еден, идиоти…

Татјана Ташкова

Вархелји и Борел го поздравија формирањето на Владата во Босна и Херцеговина

Ана Ололовска

ВИДЕО: Објавена првата снимка од моментот на експлозијата на бензинската пумпа

Татјана Ташкова