Српскиот министер за одбрана Милош Вучевиќ изјави дека по наредба на претседателот Александар Вучиќ, српската армија е во состојба на готовност, а нивото на борбена готовност е подигнато поради ситуацијата на Косово.
Вучевиќ во гостувањето на телевизија Хепи изјави дека Србија е сериозна земја и затоа никој не треба да игра „воени игри“.
„Не можеме да бидеме опуштени и се залагаме за дијалог“, рече тој.
Тој рече дека армијата е подготвена да ја изврши секоја наредба на Вучиќ, кој е нејзин врховен командант, заштитувајќи ги сите граѓани на Србија, вклучително и Србите на Косово, „и во тоа никој не треба да се сомнева“.
„Србија е за дијалог. Подобро е да се преговара илјада дена отколку да се биде во ров еден ден“, рече Вучевиќ.
Тој рече дека „кога Србија зборува за мир и стабилност, тоа не значи дека е слаба или кукавица, бидејќи нејзината армија е многукратно посилна отколку што беше и постапува според наредбите на шефот на државата и претседателот. “.