Планот на Брисел е што е можно побргу, а најдоцна до крајот на годинава на преговарачка маса во Брисел да седнат високиот претставник на ЕУ, Кетрин Ештон и претседателите и премиерите на Србија и на Косово и да почнат политички преговори за нормализација на односите на двете држави во постоечките граници.
Претседателот Томислав Николиќ вчера на генералното собрание на ОН побара да се организираат директни преговори на Белград и Приштина и со тоа го направи првиот чекор.
Документот што го состави Ештон како предлог за политички преговори треба да биде претставен како Ештон –Клинтон предлог. Меѓутоа , целиот документ е напишан од
Европскиот дипломат Штефан Лане, а Клинтон во меѓувреме не нашла јака политичка основа да го стави својот потпис на него.
Еден од поголемите проблеми во подготовката на идниот политички дијалог ќе биде составот на учесниците .
Спроти Николиќ и Дачиќ треба да седне премиерот на Косово, Хашим Тачи од чиј кабинет веќе најавија дека е подготвен да се ракува со српскиот претседател.
Николиќ децидно никогаш не ја отфрли можноста да разговара со Тачи, а Дачиќ веќе се изјасни дека тоа не доаѓа во предвид.