Месечната анкета на хрватската агенција „КРОдемоскоп“ покажува пад на рејтингот на сите водечки хрватски партии во споредба со февруари, објави весникот „Вечерњи лист“.
Рејтингот на владејачката Социјалдемократска партија е на најниско ниво по парламентарните избори во декември 2011 година и бележи пад од 25,7 проценти во февруари на 25,2 проценти.
Опозициската Хрватска демократска заедница, исто така, бележи пад на рејтингот на 18,8 проценти од анкетираните, додека партијата во февруари уживала поддршка од 19,1 процент.
Рејтингот на Хрватските лабуристи е намален од 9,8 на 9,7 проценти од гласовите. Поддршката на Хрватската народна партија е намалена од 3 на 2,6 отсто.
Највисок рејтинг меѓу политичарите имаат претседателот Иво Јосиповиќ и синдикалниот лидер Драгутин Лесар, додека најнизок рејтинг имаат лидерот на Хрватската демократска заедница Томислав Карамарко и министерот за финансии Славко Линиќ.