Косовскиот шеф на дипломатијата, Беџет Пацоли потврди дека му е забранет влезот во Србија, поточно посетата во Нови Пазар каде што требаше да присуствува на седницата на Бошњачкиот национален совет.
Пацоли кажа дека добил одговор и по писмен пат, дека влезот во Србија не може да му биде дозволен во својство на министер за надворешни работи.
-Би било фер овие мерки да ги примениме реципрочно кога станува збор за Србија, кажа тој за приштинскиот портал „Газета Експрес“.
Тој кажа и дека во Приштина нема да оди во ниедно друго својство освен како заменик на премиерот и шеф на дипломатијата на Косово.
Како што наведуваат медиумите од Косово, неговата функција е причина за одбивање на посетата, што е наведено и во документот кој пристигнал во косовската Канцеларија за врски.