Оставка на министерката за правда на Словенија откако се скара со премиерот Јанша

Од:

Словенечката министерка за правда, Лилјана Козлович, денеска поднесе оставка поради спорот со премиерот Јанез Јанша, околу двајцата обвинители кои требаше да бидат назначени во новоформираното европско Јавно обвинителство, јави ДПА.

Козловиќ изјави дека поднела оставка затоа што Јанша го поништил нејзиното назначување на двајцата словенечки обвинители, кои на 1 јуни требаше да почнат со работа во обвинителството, наведе СТА.

Козловиќ претходно го потврди назначувањето на двајцата функционери, кои беа предложени од независен совет, но Јанша ги поништи овие назначувањата бидејќи словенечкото обвинителство во минатото повеќе пати поднесувало лажни обвинувања против политичари од неговата десничарска националистичка партија, пренесе ДПА.

Критичарите наведуваат дека Јанша се обиде да ја ограничи слободата на медиумите и покажува слаба почит кон демократските вредности и стандарди за владеење на правото. Тој на Твитер нападна новинари и поттикнува независни медиуми, вклучувајќи го тука и случајот со запирањето на државните финансиски средства за агенцијата СТА.

Првото јавно обвинителство на Европската унија на 1 јуни ќе почне со работа, со истражување на криминалот поврзан со буџетот на ЕУ, вклучувајќи мито, проневера и измама.

Козловиќ е членка на СМЦ, мала центристичка партија, која заедно со СДС на Јанша, управува со владината коалиција во Словенија.

Би можело да ве интересира

Словенија ја призна Палестина

Катерина Ѓуровски

Словенија го одлага признавањето на Палестина

Словенија ја призна Палестина

Предраг Петровиќ

Словенката Сабина е пронајдена мртва, несреќната жена ја убиле нејзиниот сопруг и неговата љубовница

Словенците имаат нов највреден фудбалер – проценет на 40 милиони евра

Словенија протера руски дипломат, Русија најави одговор

Горан Наумовски