Околу 100.000 верници од целиот свет се собраа денеска во Меѓугорје, за да ја одблежат 32-годишнината од појавувањето на Мајката Божја, предмет на повеќегодишни истражувања.
Најмногу верници од кои голем број пристигнаа пеш од соседните општини, се од Босна и Херцеговина и Хрватска, пренесува агенцијата „Фена“, со напомена дека во текот на денот ќе се одржат миси на дваесетина светски јазици.
Во Меѓугорје организирано допатуваа и групи верници од Италија, Германија, Австрија, Словачка, Чешка, Унгарија, Швајцарија, Франција, Полска, Ирска, но и од САД, Канада, Јапонија.
Според тврдењата на шест деца, Мајката Богородица во Меѓугорје за првпат се појавила во местото Подбрдо и им се обратила во предвечерието на 24 јуни 1981 година.
Бискупите на поранешна Југославија во неколку наврати вршеа истражувања за овој феномен, а последната изјава за тоа ја објавија на 10-ти април 1990 година, кога не го потврија, но и не го отфрлија натприродниот настан.
Во март 2010 година воспоставено е посебно 17-члено ватиканско претставништво кое го истражува феноменот во Меѓугорје.
Од појавата на феноменот, Меѓугорје според црковните податоци го посетиле околу 50 милиони верници.
Елена Георгиевска