Словенечкиот претседател Борут Пахор ја одложи средбата на Процесот Брдо-Бриони, што требаше да се одржи в понеделник, 29 јуни, во Крањ, поради епидемиолошката состојба во земјата и во регионот.
Процесот Брдо-Бриони е серија на мултилатерални настани посветени на земјите од Западен Балкан и нивните напори да станат членки на Европската унија, а во него учествува и С. Македонија.
На состанокот, како што се наведува во соопштение од неговиот Кабинет, требаше да присуствуваат претседателите на сите земји-членки на иницијативата.
Пахор ги известил претседателите на тие држави дека мора да ја одложи закажаната средба, бидејќи како домаќин, и покрај многу планирани мерки, тој не може да обезбеди услови во кои нема да постои ризик од пренесување на инфекцијата.