Во август оваа година, цените на горивото во Европската Унија беа повисоки отколку во истиот месец минатата година, соопшти денеска Евростат.
Во 26 од 27-те земји-членки на ЕУ, цените на горивото во август годинава беа повисоки отколку во август минатата година.
Годишниот раст на цените во август беше повисок отколку во јули во 26 земји на ЕУ, а повисок отколку во јуни во 24 земји.
Во август оваа година, во споредба со август минатата година, 18 земји на ЕУ забележаа раст на цените од над 20 проценти.
Највисок раст од 34,5 проценти е забележан во Бугарија, по што следат Литванија со 28,8, Финска со 27,6, Германија со 27,5 и Франција со 27,4 проценти.
Најмал раст на цените е забележан во Унгарија (1,3 проценти), Шведска (6,1 процент) и Ирска (11,7 проценти).