Од Дунав, во населбата Југово, вчера е извлечено телото на Милан Николиќ, еден од тројцата кои исчезнаа на 18 март кога им се превртел чамецот, потврди полицијата.
-По овластување на виш јавен обвинител во Смедерево, извршена е обдукција и идентификација на телото при што е утврдено дека се работи за триесет и шестгодишниот М.Н од Земун, еден од тројцата мажи по кои се трагаше од 18 март, кога поради превртување на чамецот паднале во Дунав кај Ада Хуја во Белград – се вели во соопштението на МВР, пишува Телеграф.
Да потсетиме, чамецот на младите се преврте во Дунав кога се враќаа од патување во Бела Стена, а несреќата се случи на 18 март доцна во вечерните часови.
Мане К. бил единствениот кој успеал да се спаси и да ја преплива реката и ја во првата куќа која ја виде побара помош.
Оттогаш, пријателите и семејството континуирано трагаат по тројцата исчезнати другари. Досега од реката се извлечени Милан и Ненад Тривковиќ, додека потрагата по исчезнатиот Милош Марковиќ продолжува.