Ново апсење утрово во Митровица, а како што дознава Косово онлајн, специјалните единици на косовската полиција привеле Србин Н.О., кој работи во локално комунално претпријатие.
Апсењето се случило во близина на автобуската станица, кога специјалните сили на косовската полиција со оклопни возила го опколиле, а потоа го привеле Н.О.
Засега не е позната причината за неговото апсење.
Oд доаѓањето на албанските градоначалници во општините на северот на Косово досега се уапсени осум Срби, а жителите на Грачаница и Ранилуг вчера протестираа поради апсењето на Драгиша Миловановиќ.
Протестите пред општинските згради во Лепосавиќ, Звечан и Зубин Поток влегоа во 26-ти ден.