Нова рунда преговори меѓу Турција и Ерменија за нормализирање на односите ќе се одржи на 3 мај во Виена, информираше прес-службата на турското Министерство за надворешни работи.
– Третиот состанок на специјалните претставници на Турција, амбасадорот Сердар Кулач и заменик-претседателот на ерменскиот парламент Рубен Рубинјан, во рамки на процесот на нормализирање на односите меѓу двете земји, ќе се одржи на 3 мај во Виена, се наведува во соопштението.
Првиот круг преговори се одржа во Москва на 14 јануари. По консултациите, страните се согласија да ги обноват воздушните линии меѓу двете земји, кои беа суспендирани во 2020 година.
Состанокот за втората рунда турско-ерменски преговори се одржа во Виена на 24 февруари.
Минатиот месец ерменскиот министер за надворешни работи, Арарат Мирзојан учествуваше на годишниот дипломатски форум во Анталија, Турција.
Извор: МИА