Земјотрес со интензитет од 4,6 степени според Рихтеровата скала е регистриран минатата ноќ во реонот на градот Гламоч во западниот дел на Босна и Херцеговина.
Ова е 16-ти земјотрес регистиран на територијата на БиХ во последниве седум дена, од кои најголемиот дел, дури 11, беа на подрачјето на Зеница.
Според босанскиот Федерален сеизмолошки завод, епицентарот на земјотресот од минатта ноќ бил на 13 километри југозападно од Гламоч. По овој биле регистрирани уште неколку вторични потреси, меѓу кои најсилниот бил со интензитет од 3,7 степени според Рихтер.
Претходно, најсилниот земјотрес во БиХ во последните седум дена беше регистиран во реонот на Зеница минатата сабота со интензитет од 4,6 степени.