Земјотрес со интензитет од четири степени според Рихтеровата скала ја погоди по 13 часот по локално време околината на Плужина, на границата меѓу Црна Гора и БиХ, што е втор потрес на тоа подрачје денеска.
Од црногорскиот Сеизмолошки завод е соопштено дека новиот потрес би можел да предизвика помали материјални штети.
Земјотресот бил на 10 километри југозападно од Плужина, во близина на границата на Црна Гора и БиХ. Епицентарот на потресот бил на длабочина од 13 км.
На границата меѓу Црна Гора и БиХ претходно денеска е регистриран уште еден земјотрес со интензитет од 3,9 степени според Рихтеровата скала.