Албанија и Грција ќе подготват нов договор за територијалните води меѓу двете земји, бидејќи договорот од 2009 година е неважечки.
Ова во сабота во Тирана го изјави албанскиот шеф на дипломатијата Едмонд Панарити, кој за првпат јавно проговори за деталите околу средбата со неговиот грчки колега Димитрис Аврамопулос во Атина.
Панарити рече дека и Атина е согласна со овој заклучок, и покрај тоа што Грција до скоро нагласуваше дека за неа важи договорот за територијалните води од 2009 година.
„Лично му реков на Аврамопулос дека по одлуката на Уставниот суд на Албанија за нас договорот од 2009 година не постои. Ние треба да започнеме да работиме на нов договор кој нема да биде спорен”, рече Панарити.