Претседателот на Албанија, Бујар Нишани изјави дека албанскиот народ, повеќе од сите други, сака успешно да заврши истрагата за илегалната трговија на човечки органи.извештајот на Дик Марти за киднапирањето и илегалната трговија со човечки органи.
„Повеќе од сите сме заинтересирани да се дознае вистината за тоа“, рече Нишани на синоќешната седница на Парламентарното собрание на Советот на Европа .
Тој истакна дека Тирана има целосна доверба во специјалниот истражен тим на ЕУЛЕКС, кој ги испитува наводите на Дик Марти, дека за време на војната во Косово во 1999-та и 2000-та од заробениците биле земани органи и продавани на илегалниот пазар.
Нишани овие зборови ги поткрепи и со податокот дека во Албанија е изгласан закон со кој на истражниот тим, предводен од Клинт Вилијамсон, му се даваат сите овластувања на нејзина територија, самостојно да спроведува истрага.
Нишани се заложи и за што побрз прием на Косово во Советот на Европа.