Српскиот претседател Томислав Николиќ за италијанскиот весник „Кориере дела Сера” изјавил дека во Сребреница не се случил геноцид, јави радиото Б92.
„Во Сребреница немало геноцид. Станува збор за индивидуална вина на одделни Срби. Српскиот парламент го осуди овој чин, но не рече дека тоа било геноцид. Ниту еден Србин не признава дека во Сребреница имало геноцид, посочува Николиќ за италијанското издание пред неговата посета на Рим.
Српскиот претседател рече дека Радован Караџиќ и Ратко Младиќ треба да бидат сметани за невини додека Трибуналот во Хаг не ја докаже нивната вина.
Во интервјуто за „Кориере дела Сера” Николиќ нагласува дека „Европа може да бара сè од Србија, но не и да го признае Косово”.