Лидерот на демократите Борис Тадиќ нема легитимитет да ја извршува премиерската функција и единствено тоа би требало да биде кандидат од партијата на Томислав Николиќ, рече Марко Чуриќ од СНС.
„Тадиќ ги изгуби изборите, бидејќи граѓаните сметаа дека не работеше добро. Како човек кој според граѓаните не работеше добро сега би требало да ја извршува премиерската функција која според Уставот е посложена и поодговорна од претседателската функција“, рече Чуриќ.
Тој кажа дека промените не може да „ги понесат“ победените на изборите и дека владата без СНС не би имала легитимитет.
Чуриќ нагласи дека СНС би формирала влада со секоја партија која ќе ја признае клучната улога во владата на партијата на Николиќ.