Тринаесет лица загинаа, а три се хоспитализирани при уривање на дел од покривот на влезот на железничката станица во Нови Сад, изјави министерот за внатрешни работи Ивица Дачиќ.
Локалните телевизиски станици покажаа служби за итни случаи на теренот, вклучително и медицински персонал кој подготвуваше носилки. Пред станицата има и багери кои треба да ги откопаат урнатините. Локалните медиуми наведуваат дека можеби се повредени десетици луѓе.
Настрешницата, пишува Нова.рс, неодамна била реновирана. Реконструкцијата ја изврши кинеска компанија, цената на целиот проект остана тајна, а самата зграда беше свечено отворена неколку пати, последен пат на 5 јули годинава.