Најмалку двајца турски рудари ги загубија животите, додека тројца се хоспитализирани поради вдишување отровен гас во рудник за хромит на југозапад во Турција, објавија локални медиуми.
Засега не е познато како се случило труењето ниту за кој отровен гас се работи.
Инцидентот се случил во рудник близу Јесилова во југозападната турска провинција Бурдур.
Најсмртоносна несреќа во рудник во Турција се случи во мај 2014 година кога во рудник во Сома на запад во Турција поради труење со јаглерод моноксид настрадаа 301 рудар.