Полицијата трага по 40-годишен маж од Кина затоа што наводно ја мачел својата 35-годишна партнерка, која скокнала од третиот кат на станбена зграда во Атина за да ја избегне нејзината агонија, пренесува „Прототема“.
Како што дознава грчкиот портал, 40-годишникот не ја турнал жената во провалија, туку таа самата се решила на тој чекор во обид да избега од тортурата што и ја нанел.
Имено, како што наведува грчкиот портал, повикувајќи се на извори од истрагата, се се случило во саботата околу 11:30 часот наутро, кога мажот почнал да ја навредува својата 35-годишна партнерка и да и се заканува по живот. Жената се обидела да го смири, а потоа тој ја удрил со тупаница во главата, земал нож, а потоа и ги врзал рацете и нозете.
Напаѓачот потоа ја силувал несреќната жена, а потоа грабнал ножици и и побарал пари.
Несреќната жена била принудена од 12 до 16 часот попладне да префрли пари преку мобилен телефон, при што на сметката на насилникот префрлила вкупно 100.000 кинески јуани (околу 13.000 евра).
Тогаш 35-годишната жена успеала да се ослободи со остар предмет, а следниот момент од прозорецот на третиот кат скокнала од балконот.
На помош и пришол сосед кој ја повикал итната помош, а жената била пренесена во болница каде завршил нејзиниот кошмар.