Група претставници на здружението на бранители на Вуковар, поставуваат налепници со хрватско знаме, над натписите на двојазичните табли на државните институции во Вуковар, пренесуваат хрватските медиуми.
Акцијата е во знак на протест против поставувањето на двојазичните табли во градот.
По присуството на комеморацијата во Борово по повод 23. годишнината од убиството на 12 полициски службеници, група бранители се упатиле кон Вуковар. Бранителите поставиле налепници со хрватско знаме на сите двојазични табли во градот.
Полицијата не се обидела да ги спречи во нивната намера. Налепниците со хрватско знаме се уште стојат на двојазичните табли, освен на зградата на полицијата во Вуковар.