Повеќе од 200 пожарникари на грчкиот остров Крит се обидуваат да го локализираат големиот пожар кој ги принуди властите да евакуираат едно село, а другите села да ги подготват за евакуација.
Противпожарната служба соопшти дека 222 пожарникари се борат со пожарот во областа Ретимно на западен Крит, вклучително и 32 кои дошле од други делови на Грција, пренесе АП.
Во моментов нема извештаи за штети во домови или повредени. Малото село Агиа Параскеви е евакуирано како мерка на претпазливост. Жителите на три соседни села, исто така, се предупредени да бидат подготвени да ги напуштат своите домови доколку е потребно.
Пожарот беснее низ грмушки и маслинови градини, носeн од силен ветер.
Повеќе од 2.000 шумски пожари избувнаа ширум Грција ова лето, поради блага, сува зима и топла пролет.